Valon Ahmedi edhe zyrtarisht karrierën e tij do ta vazhdojë në Bjellorusi, te skuadra kampione e Shakhtar Soligorsk. Këta të fundit kanë prezantuar futbollistin shqiptar, ndërsa Shkëndija i ka uruar suksese.
Ahmedi u bashkua me Shkëndijën në janarin e vitit 2020 dhe fillimisht ishte pjesë e skuadrës në gjysmën e sezonit të shkuar të ndërprerë shkaku i pandemisë me COVID-19, ndërsa ishte lojtar standard në formacion në ndeshjet europiane dhe gjysmësezonin vjeshtor të cilin “kuqezinjtë” e mbyllën në vendin e parë.