Vazhdimisht theksoj se largësia ynë gjeografike nuk duhet të jetë pengesë për bashkëpunim më të afërt në planin politik dhe ekonomik, theksoi kryetari I Kuvendit, Talat Xhaferi në takimin e sotëm me ambasadorin e sapoemëruar të Japonisë në vend, Hironori Savada.
Xhaferi I dëshiroi ambasadorit Savada mandat të suksesshëm dhe shprehi kënaqësi nga bashkëpunimi I deritanishëm me ambasadorin e mëparshëm, e njeherit edhe ambassador I parë resident I Japonisë, Keiko Haneda.
“Në vazhdim, kryxetari Xhaferi i potencoi marrëdhëniet e deritanishme të shkëlqyeshme ndërmjet dy vendeve, që zhvillohen në vijën përpjetë. Kryetari Xhaferi e nënvizoi rëndësinë e vazhdimit dhe intensifikimit të bashkëpunimit të ndërsjellë në të gjitha fushat, sidomos përforcimin bashkëpunimit ekonomik dhe rritjen e investimeve japoneze dhe shprehu besim se do të punojnë bashkë me ambasadorin dhe institucionet tjera shtetërore në këtë plan”, kumtuan nga Kabineti I Xhaferit.
Savada falënderoi për takimin me kryetarin e Kuvendit dhe e përuroi për punën e deritanishme dhe udhëheqjen e Kuvendit si një institucion demokratik ku kryqëzohen relacionet dhe interesat e ndryshme politike.
“Ambasadori Savada theksoi se, misioni i tij është të punojë në përforcimin dhe intensifikimin e marrëdhënieve të ndërsjella të dy vendeve, sidomos do i orientojë aktivitetet e veta kah përforcimi i bashkëpunimit ekonomik, Në këtë kontekst, ai i theksoi projektet e deritanishme ekonomike dhe investimet në vendin tonë në fushën e bashkëpunimit teknik, grant investimet financiare në kulturë, shëndetësi dhe tjetër. E konfirmoi mbështetjen e fuqishme që Japonia ia jep Republikës së Maqedonisë së Veriut në rrugën e integrimit në BE, përforcimin e institucioneve demokratike dhe sundimin e të drejtës”, informuan nga Kabineti i Xhaferit.
Në fund, të dy bashkëbiseduesit u pajtuan se komunikimi dhe bashkëpunimi i ndërsjellë ndërmjet Ambasadës së Mbretërisë së Japonisë dhe Kuvendit të Republikës së Maqedonisë së Veriut duhet të vazhdojë dhe të intensifikohet në të ardhme.
