Drejtori i Agjesnisë për prokurime publike, Bujar Sulejmani ka nënshkruar marrëveshjen e parë kolektive me punonjësit e këtij dikasteri proces ky që përcakton një rritje graduale të pagave, standarde më të larta në aspektin e kushteve të punës, të drejtave dhe detyrimeve, si dhe mekanizma për mbrojtjen dhe promovimin e tyre. Në të njëjtën kohë, forcohet sistemi i sigurimeve shoqërore dhe hapet hapësirë për përmirësimin e vazhdueshëm të statusit profesional të punonjësve, shkruan Top24
Postimi i plotë i Bujar Sulejmani:
Marrëveshje Kolektive për punonjësit e Komisionit Shtetëror për Ankesat e Prokurimit Publik, e cila është Marrëveshja e parë Kolektive e nënshkruar në institucion që nga themelimi i tij.
Me nënshkrimin e Marrëveshjes Kolektive, Komisioni Shtetëror për Ankesat e Prokurimit Publik krijoi një bazë të re për rregullimin e marrëdhënieve me punonjësit dhe për zhvillimin e mëtejshëm institucional.
Marrëveshja rrjedh nga procesi gjithëpërfshirës i pajtimit midis menaxhmentit dhe përfaqësuesve të sindikatave, ku prioritet u vendos mbi krijimin e zgjidhjeve të qarta, të drejta dhe të qëndrueshme në interes të punonjësve dhe institucionit.
Ky dokument, mbi të gjitha, përcakton një rritje graduale të pagave, standarde më të larta në aspektin e kushteve të punës, të drejtave dhe detyrimeve, si dhe mekanizma për mbrojtjen dhe promovimin e tyre. Në të njëjtën kohë, forcohet sistemi i sigurimeve shoqërore dhe hapet hapësirë për përmirësimin e vazhdueshëm të statusit profesional të punonjësve.
Nënshkrimi i marrëveshjes përfaqëson një hap të rëndësishëm drejt një stabiliteti më të madh institucional, transparencës dhe llogaridhënies, duke vlerësuar kontributin dhe angazhimin e secilit punonjës. Komisioni Shtetëror për Ankesat në Prokurimin Publik do të vazhdojë të zhvillojë qasjen e partneritetit në bashkëpunim me përfaqësuesit e sindikatave, me një angazhim të qartë për përmirësimin e mëtejshëm të marrëdhënieve të punës dhe krijimin e një institucioni modern dhe efikas.
