Mobing ndaj të punësuarve. Presion i jashtëzakonshëm. Ndërrime pozicionesh. Shtypje vështirë e përballueshme nga punonjësit. Është ankuar kështu në redaksinë e OPEN TV një punonjës i ministrisë së Vetëqeverisjes Lokale.
I njejti burim thotë për redaksinë se madje një punonjës, respektivisht udhëheqëse sektori dje është alivanosur nga presioni dhe i njëjti është transportuar nga vendi i punës me ndihmë të shpejtë për në spitalin e qytetit të Shkupit.
Sipas burimit tonë, nuk është hera e parë që një administrator bie psiqikisht nga presioni që ushtrohet nga kabineti ndaj punonjësve administrativ.
Ministria e Vetëqeverisjes lokale udhëhiqet nga kuadër i VMRO-DPMNE-së, Zllatko Perinski.
