Marrëveshja e KEK-ut për shitjen e qymyrit në Maqedoni të Veriut ka shkaktuar bujë.
KEK ka dal me një komunikatë duke tentuar të arsyetohet para publikut, pasi siç pretendojnë ata, kontrata nuk është konsecion, transmeton Periskopi.
“Në kontratë nuk eksizton asnjë dispozitë për koncesion mbi qymyrin, minierat, asetet apo resurset e KEK-ut. Objekti i saj është i qartë: Shitja e qymyrit”, thuhet ndër të tjera në komunikatë.
Komunikata e plotë:
𝐊𝐄𝐊 𝐬𝐪𝐚𝐫𝐨𝐧: 𝐊𝐨𝐧𝐭𝐫𝐚𝐭𝐚 𝐦𝐞 𝐉𝐒𝐂 𝐄𝐒𝐌 𝐧𝐮𝐤 ë𝐬𝐡𝐭ë 𝐤𝐨𝐧𝐜𝐞𝐬𝐢𝐨𝐧 – 𝐟𝐚𝐤𝐭𝐞𝐭 𝐣𝐚𝐧ë 𝐩𝐮𝐛𝐥𝐢𝐤𝐞
Korporata Energjetike e Kosovës (KEK Sh.A.), përballë deklarimeve dhe interpretimeve të pabazuara lidhur me kontratën për shitjen e qymyrit me JSC ESM, sqaron edhe njëherë se qëndrimi zyrtar i KEK-ut është në përputhje të plotë me kontratën e nënshkruar ndërmjet palëve.
KEK-u nuk mban përgjegjësi për formulimet apo interpretimet e publikuara nga palë të tjera. Për KEK-un, referencë zyrtare dhe juridikisht e vlefshme është kontrata.
𝐍ë 𝐤𝐨𝐧𝐭𝐫𝐚𝐭ë 𝐧𝐮𝐤 𝐞𝐤𝐳𝐢𝐬𝐭𝐨𝐧 𝐚𝐬𝐧𝐣ë 𝐝𝐢𝐬𝐩𝐨𝐳𝐢𝐭ë 𝐩ë𝐫 𝐤𝐨𝐧𝐜𝐞𝐬𝐢𝐨𝐧 𝐦𝐛𝐢 𝐪𝐲𝐦𝐲𝐫𝐢𝐧, 𝐦𝐢𝐧𝐢𝐞𝐫𝐚𝐭, 𝐚𝐬𝐞𝐭𝐞𝐭 𝐚𝐩𝐨 𝐫𝐞𝐬𝐮𝐫𝐬𝐞𝐭 𝐞 𝐊𝐄𝐊-𝐮𝐭. 𝐎𝐛𝐣𝐞𝐤𝐭𝐢 𝐢 𝐬𝐚𝐣 ë𝐬𝐡𝐭ë 𝐢 𝐪𝐚𝐫𝐭ë: 𝐒𝐇𝐈𝐓𝐉𝐀 𝐄 𝐐𝐘𝐌𝐘𝐑𝐈𝐓.
𝐊𝐨𝐧𝐭𝐫𝐚𝐭𝐚 𝐝𝐡𝐞 𝐝𝐨𝐬𝐣𝐚 𝐞 𝐭𝐞𝐧𝐝𝐞𝐫𝐢𝐭 𝐣𝐚𝐧ë 𝐩𝐮𝐛𝐥𝐢𝐤𝐞 𝐧ë 𝐩𝐥𝐚𝐭𝐟𝐨𝐫𝐦ë𝐧 𝐄-𝐏𝐫𝐨𝐤𝐮𝐫𝐢𝐦𝐢 𝐭ë 𝐊𝐑𝐏𝐏-𝐬ë 𝐝𝐡𝐞 𝐦𝐮𝐧𝐝 𝐭ë 𝐯𝐞𝐫𝐢𝐟𝐢𝐤𝐨𝐡𝐞𝐧 𝐝𝐫𝐞𝐣𝐭𝐩ë𝐫𝐝𝐫𝐞𝐣𝐭 𝐧𝐠𝐚 ç𝐝𝐨 𝐪𝐲𝐭𝐞𝐭𝐚𝐫, 𝐦𝐞𝐝𝐢𝐮𝐦 𝐚𝐩𝐨 𝐩𝐚𝐥ë 𝐞 𝐢𝐧𝐭𝐞𝐫𝐞𝐬𝐮𝐚𝐫.
KEK-u tashmë ka bërë publike faktet kryesore: 24.4 euro për ton pa TVSH, periudhë 36-mujore, vlerë potenciale deri në 73.2 milionë euro, shitje direkte te përdoruesi përfundimtar dhe pa ndërmjetësues.
Po ashtu, KEK-u nuk merr përsipër eskavimin, transportin apo operacionet logjistike për tërheqjen e qymyrit. Kjo e mban realizimin e kontratës të ndarë nga proceset operative të
Korporatës dhe garanton se shitja e kësaj sasie të qymyrit nuk cenon operimet minerare, furnizimin e termocentraleve me qymyr apo prodhimin vendor të energjisë elektrike. Nevojat e termocentraleve mbeten prioritet absolut.
Prandaj, paraqitja e kësaj kontrate si “koncesion” është e pabazuar dhe në kundërshtim me përmbajtjen e dokumentit zyrtar.
KEK-u u bën thirrje të gjithë të interesuarve që t’u referohen dokumenteve zyrtare dhe jo deklarimeve të pakonfirmuara apo interpretimeve të shkëputura.
Transparenca është obligim. Faktet janë të verifikueshme. Kontrata është publike. Në kontratë nuk ka koncesion.
Me respekt,
Departamenti për Marrëdhënie
me Publikun dhe Komunitete
KORPORATA ENERGJETIKE E KOSOVËS.
