Analisti Naser Selmani, mbrëmë i ftuar në click-plus, së bashku me Ministrin e Bujqësisë, Pylltarisë dhe Ekonomisë së Ujërave nga radhët e Besës, Arjanit Hoxha kanë diskutuar për muajt e parë të qeverisjes të Lëvizjes Besa.
Analisti Selmani ka deklaruar se një gjë është e sigurt, Besa “shpëtoi” LSDM-në nga humbja në zgjedhje, duke mos u future në temën sesa vota ka marrë.
“Keni bërë mirë që keni bërë koalicion me LSDM-në, pra koalicion parazgjedhor, pa dallim gjitha vlerësimeve që bëhen në opinion se “Besa morri kaq vota ose aq vota”, unë nuk dua të hyj në këtë vlerësim. Por një gjë është e vërtetë, po të mos ishte ky koalicion, LSDM nuk do t’i fitonte zgjedhjet”, u shpreh Selmani.
