Ramzan Kadyrov, udhëheqësi i rajonit çeçen të Rusisë dhe një aleat i presidentit Vladimir Putin, është shprehur se forcat ruse sot do të marrin kontrollin e plotë të fabrikës së çelikut Azovstal në Mariupol e cila po mbrohet nga ushtarët ukrainas.
“Sot, me ndihmën e të Plotfuqishmit, ne do ta marrim Azovstal,” tha Kadyrov në një mesazh audio në kanalin e tij Telegram.
Ndërsa ushtria ruse ka hapur një korridor humanitar në këtë fabrikë për të lejuar forcat ukrainase të largohen nga uzina e çelikut Azovstal.
Për këtë është shpallur një armëpushim i përkohshëm.
Lajmi është bërë i ditur nga Ministria ruse e Mbrojtjes, raporton Interfax.
Ndërsa Rusia më herët u ka bërë thirrje forcave ukrainase dhe luftëtarëve të huaj të vendosur në uzinën e Azovstal që të dorëzojnë armët deri në mesditës së Moskës nëse dëshirojnë të jetojnë.
