VMRO DPMNE VLEN-in e trajton si një faktor politik margjinal, që mbahet në qeveri vetëm për faktin se përfaqëson shqiptarët, por pa pasur peshë reale në vendimmarrje. Një qasje e tillë është e papranueshme, sepse shqiptarët janë popull shtetformues dhe pjesëmarrja e tyre në qeverisje duhet të bazohet në partneritet të barabartë.
Kjo do të thotë se përfaqësuesit shqiptarë duhet të jenë partnerë të barabartë me maqedonasit në marrjen e vendimeve, e jo vasalë apo zbatues të urdhërave. Nuk mjafton që në qeveri të ketë figura shqiptare vetëm sa për të krijuar përshtypjen e përfaqësimit, përfaqësimi duhet të jetë me dinjitet, ndikim dhe rol të vërtetë në qeverisjen e vendit.
