BotaLajme

Putin tregon “muskujt”

Kreu i Kremlinit Vladimir Putin ka ditur si t’i tregojë “muskujt” në eventin e përvitshëm që shënon përvjetorin e triumfit të Rusisë mbi Gjermaninë Naziste në Luftën e Dytë Botërore.

Avionët luftarakë, tanket dhe trupat ushtarake bënë një paraqitje për paradën e ardhshme të Ditës së Fitores në Moskë. Ngjarja vjetore do të zhvillohet në Sheshin e Kuq të Moskës në 9 maj, megjithë pandeminë e Covid-19.

Ushtarët marshuan në formacione të rregullta, me maska në fytyrë dhe flamuj të kuq në duar. Parada, tani në vitin e saj të 76-të, mbahet në kujtim të 20 milion jetëve Sovjetike të humbura gjatë luftës. Pamjet filmike të publikuara nga Ministria Ruse e Mbrojtjes treguan ushtrime stërvitore në lartësi të ulët ku shiheshin helikopterë luftarake Mi-35 dhe Ka-52 si dhe ekipi aerobatik i Berkut.

Parada e vitit të kaluar u shty për në 24 Qershor për shkak të pandemisë së koronavirusit. Përkundër kësaj, ajo tërhoqi 13,000 personel ushtarak. Dita e fundit e trajnimit ushtarak vjen ndërsa Rusia dhe Ukraina mbeten në mosmarrëveshje pas konfliktit që ka nisur që në 2014. Putini këtë vit ka zhvendosur dhjetëra mijëra trupa dhe pajisje të rënda ushtarake në kufirin me Ukrainën.

Videot më të fundit tregojnë armatim të rëndë në lëvizje në rajonin e Krasnodarit dhe anijeve detare në lumin Don ndërsa kriza e Ukrainës bëhet gjithnjë e më armiqësore duke ngjallur shqetësimin e NATO-s.

Klan News

Related Articles

Back to top button
Close
Close