Kancelari gjerman Olaf Scholz deklaroi se presidenti rus Vladimir Putin i frikësohet “demokracisë” që po përhapet në Rusi.
Scholz tha se Putin po përpiqet të ndajë Europën dhe të kthehet në një botë të dominuar nga sferat e ndikimit, raporton Sky News.
Në një intervistë për gazetën Muenchner Merkur, kancelari u pyet nëse Putin do të pranonte që Ukraina të afrohej më shumë me Bashkimin Europian.
“Presidenti rus duhet të pranojë se ekziston një komunitet i demokracive të bazuara në ligj në lagjen e tij që po afrohet gjithnjë e më shumë së bashku. Ai qartazi ka frikë nga shkëndija e demokracisë që përhapet në vendin e tij”, theksoi Scholz.
Brukseli ka shprehur mbështetjen për Ukrainnën, për t’i dhënë statusin kandidat për anëtarësim në Bashkimin Europian.
Por, liderët e vendeve të BE-së do të thonë fjalën e fundit në një samit në Bruksel më 23-24 qershor.
