Mijëra protestues janë mbledhur në sheshin e qytetit të Shkupit të shprehin pakënaqësinë e tyre në lidhje me tragjedinë që kanë ndodhur në Koçan. Protesta është e qetë dhe filloi me një heshtje të trishtë 16 minutëshe.
Protestuesit revoltën e shprehin me mbishkrime të natyrës:
- “Nuk do të kishte kaq gjak sikur të ishte gjithçka sipas ligjit”
- “Shtet që digjet lehtë”
- “Paratë i numëroni me duar të lyera me gjak”
- “Sistemi i juaj mbyti një gjeneratë të tërë”
- “Korrupsioni vret!”
“Korrupsioni po na vret për çdo ditë, në spital, në diskotekë, në autobus. Nuk e dimë se ku do të plasë herën tjetër” deklarohen protestuesit.
“Ky vend nuk është i sigurt për të jetuar, këtu vetëm vdiset. Nëse nuk vazhdojmë të çohemi në këmbë për gjithë këto raste, mos të habitemi kur të ndodhë diçka e ngjajshme, duhet që populli të vetëdijesohet dhe të kërkojë përgjegjësi në institucione.”deklarohen protestuesit.
“Jemi bërë vend i tragjedive, nuk po përmendemi për të mirë, vetëm skandale.!”deklarohen protestuesit.
Në një moment ata i hapën dritat e celularëve të tyre.
Ndizen qirinj dhe lihen lule para shatërvanit qendror në kujtim të 59 viktimave të zjarrit në diskotekën “Puls”.
