Ministri i Jashtëm , njëherësh zëdhënës i BDI – së , Bujar Osmani , ka dhënë detaje për takimin që ka realizuar mbrëmë lideri i Bashkimit Demokratik për Integrim Ali Ahmeti me kryetarin e VMRO – DPMNE së , Hristijan Micoski , transmeton gazeta LAJM . Sipas Osmanit , Ahmeti në takimin me Micoskin ka përsëritur qëndrimin e tij se vendit i nevojitet stabilitet politik .
” Biseduan për zhvillimet e fundit . Kryetari Ahmeti ka përsëritur qëndrimin e tij se vendit i nevojitet stabilitet politik sidomos tani kur afrohet dhjetori si mundësi serioze për tejkalimin e kontestit me Bullgarinë dhe fillimin e negociatave me BE – në . Tani të gjithë duhet t’i vendosim interesat shtetërore dhe të qytetarëve para atyre pariake dhe personale ” , ka thënë Osmani për ” Sloboden Peçat ” .
