PKK mori zyrtarisht përgjegjësinë për sulmin ndaj objekteve të Industrisë Ajrore në Turqi të mërkurën, 23 tetor.
Ministri i Brendshëm turk publikoi emrat e dy autorëve dhe siç rezultoi ata ishin anëtarë të PKK.
Në një postim në rrjetet sociale, Ali Gerlikaya shkroi: “Zbulohet identiteti i terroristit mashkull të neutralizuar në sulmin terrorist të pabesë në TUSAŞ dje. Tradhtari u identifikua si Ali Örek, i koduar “Rojger”, anëtar i organizatës terroriste PKK.
Dy autorët kishin kryer një vëzhgim të zonës para sulmit të tyre, duke dokumentuar në mënyrë të pakujdesshme masat e sigurisë dhe ambientet e TUSAŞ.
Sipas versionit të paraqitur nga mediat turke, burri ka mbetur i vrarë në një shkëmbim zjarri me personat e sigurimit të objekteve, ndërsa gruaja ka hedhur veten në erë me granatë kur ka konstatuar se nuk ka mundur t’i shmanget arrestimit.
Pesë viktimat
Zahide Guclu, inxhiniere mekanike në TUSAŞ
Cengiz Joskun, Oficer i Kontrollit të Cilësisë në TUSAŞ
Husein Janmaz, punonjës i TUSAŞ
Atakan Sahin Erdogan, oficer sigurie
Murat Arslan, shoferi i taksisë, automjeti i të cilit u mor nga sulmuesit.
Sipas Gerlikaya, 22 persona të tjerë, përfshirë shtatë anëtarë të forcave speciale të Turqisë, u plagosën.
