LajmeMaqedoniTopLajm

Përfituesit e 6000 denarëve, Qeveria zgjati afatin për azhurnimin e të dhënave

Qeveria miratoi vendim për plotësimin e Vendimit për hapjen e një llogarie të veçantë të dedikuar për personat të cilët nuk i azhurnuan të dhënat brenda afatit të përcaktuar ligjërisht dhe nuk kishin mundësi të përfitojnë 6,000 denarët nga pakoja e katërt e masave.

Zëdhënësi i qeverisë, Dushko Arsovski, njoftoi se sipas Ligjit përmbaruesit nuk mund të bllokojnë llogaritë e qytetarëve që kanë marrë mbështetje financiare nga shteti.

“27 milion eurot e parapara do të arrijnë te të gjithë qytetarët. Lidhur me bankat, ka pasur një apel nga Qeveria për tolerancë në afatet, derisa të përfundojë procesi i pagesës. Bankat iu referuan afatit ligjor, 25 dhjetorit, dhe kjo është arsyeja pse me vendimin e djeshëm të Qeverisë, ne e kapërcyem atë problem duke ndryshuar ligjin, i cili zgjat afatin për azhurnimin e të dhënave në mënyrë që qytetarët të marrin paratë. Ne presim që procesi të përfundojë në janar, natyrisht, më parë duhet të kalojë në Kuvend.”,- deklaroi zëdhënësi i Qeverisë, Dushko Arsovski.

Lidhur me ankesat e arritura deri te qeveria nga qytetarë që nuk kanë marrë ndihmën financiare prej 6 mijë denarësh, Arsovski informoi se numri më i madh i ankesave që nuk janë pranuar janë nga qytetarë të cilët kanë marrë ndihmë nga pakoja e tretë e masave, ndërsa politika e Qeverisë është që të përfshihen sa më shumë qytetarë./Tvm2

Artikuj të ngjashëm

Back to top button
Close
Close