LajmeMaqedoniTopLajm

Osmani: Pavarësisht sfidave, integrimi në BE nuk ka alternativë

Riafirmimi i marrëdhënieve tradicionale dhe miqësore në mes Republikës së Maqedonisë së Veriut dhe Malit të Zi, theksimi i gatishmërisë që të gjenden forma konkrete për avancimin e bashkëpunimit, sidomos në sektorin real – në atë të ekonomisë, shkëmbimit, turizmit etj, kanë qenë në fokus të takimit të sotëm të ministrit të Punëve të Jashtme, Bujar Osmani me homologun e tij malazez Gjorge Radulloviq, në kuadër të vizitës zyrtare në Mal të Zi.

“Gjithmonë është bukur të jesh në mesin e miqve, në vizitë të vendit mik, ndërkaq Maqedonia e Veriut dhe Mali i Zi janë shembull i mirë për këtë. Vizitën e sotme në Mal të Zi e vlerësoj të rëndësishme, si për raportet tona bilaterale, për të cilat mendoj se janë të shkëlqyera, ashtu edhe për tërë rajonin, i cili është ende i ngarkuar me sfida serioze, veçanërisht për të ardhmen e tij evropiane”, theksoi Osmani, thuhet në kumtesë të MPJ-së.

Përveç raporteve bilaterale, në takimin në Podgoricë u hapën edhe temat për bashkëpunimin në kuadër të aleancës në NATO, si dhe rrumbullakimin e perspektivës evropiane të të dyja vendeve.

“Procesi i zgjerimit të BE-së, ose të shprehem më saktë – rrumbullakimi ose bashkimi i kontinentit në një aleancë të vetme – nuk ka alternativë. Kur bëhet fjalë për anëtarësim të vendeve nga Ballkani Perëndimor në BE, nuk parashtrohet pyetja a do të anëtarësohemi, por si dhe kur!”, theksoi Osmani.

Vizita e ministrit Osmani në Podgoricë, vazhdon me takimet e tij me presidentin e shtetit, Millo Gjukanoviq, kryetarin e parlamentit malazez, Aleksa Beçiq, kryetarin e Qeverisë, Zdravko Krivokapiq dhe nënkryetarin e Qeverisë, Dritan Abazoviq.

Artikuj të ngjashëm

Back to top button
Close
Close