Ministria e Punëve të Brendshme ka dhënë detaje në lidhje me aksidentin e makinës së policisë, ku si pasojë mbetën të lënduar tre policë. Nga MPB bëjnë të ditur se aksidenti ka ndodhur pas përplasjes me një makinë të tipit Mitsubishi Spacestar.
“Më 10.07.2021 në ora 03:37 në Shkup, respektivisht në kryqëzimin mes Rrugës “Franklin Roosevelt” me Rrugën “Orce Nikollov” ka ndodhur aksident trafiku midis një automjeti “Skoda Yeti” nën pronësi të Ministrisë së Brendshme, që po drejtohej K.N . dhe makinës “Mitsubishi Spejster” me targa të Shkupit, që po drejtohej nga V.A. (41) nga Shkupi. Drejtuesi (punonjës i MPB-së) i automjetit “Skoda Yeti” dhe dy pasagjerë (oficerë policie) të të njëjtit automjet janë lënduar gjatë aksidentit, pas çka u është dhënë ndihmë mjekësore në Klinikën “Nënë Tereza”, thuhet në njoftimin e MPB-së. /SHENJA/
