Marrveshja per grurin në Detin e Zi mes Rusisë dhe Ukrainës mund të mos rinovohen sërish.
Kështu ka deklaruar ministria e jashtme ruse, e cila ka theksuar se zgjatja e marrëveshjes do të konsiderohet vetëm nëse adresohen shqetësimet e prodhuesve të saj bujqësorë.
Marrëveshja e arritur vitin e kaluar me ndërmjetësimin e Kombeve të Bashkuara dhe Turqisë skadon më 18 mars dhe afati i saj mund të zgjatet nëse të gjitha palët bien dakord.
Moska është shprehur e e pakënaqur me disa aspekte të marrëveshjes.
“Vazhdimi i marrëveshjes së paketës për grurin është i mundur vetëm nëse merren parasysh interesat e prodhuesve bujqësorë rusë dhe të ketë akses të papenguar në tregjet botërore”, thuhet në deklaratën zyrtare e ministrisë ruse.
Edhe pse eksportet ruse bujqësore nuk janë shënjestruar nga sanksionet perëndimore, kremlini pretendon se masat ndëshkuese mbi sistemin e saj të pagesave, zinxhirin e furnizimit dhe industrinë e sigurimeve janë një pengesë për të qenë në gjendje të eksportojë drithërat dhe plehrat e tij kimike.
Marrëveshjam cila lejon eksportin e sigurt të grurit nga portet e Ukrainës, u arrit në muajin korrik të vitit të kaluar. Përmes saj, u krijua një korridor i mbrojtur transiti detar dhe u projektua për të lehtësuar mungesat globale të ushqimit duke lejuar rifillimin e eksporteve nga tri porte në Ukrainë.
Në vitin 2021, eksportet ukrainase të grurit u vlerësuan në 5.1 miliardë dollarë, Deri në Shkurt të vitit 2022 kur filloi lufta ruse, Ukraina kishte dërguar afërsisht 95 përqind të eksporteve për atë vit.
