Mira Murati rikthehet me një paralajmërim të fortë për Inteligjencën Artificiale

Ish-drejtoresha teknike e OpenAI, Mira Murati, u shfaq sërish publikisht pas rreth 18 muajsh heshtjeje dhe dha paralajmërime për mënyrën se si po qeveriset industria e inteligjencës artificiale. Gjatë paraqitjes së saj të parë të madhe publike, ajo prezantoi gjithashtu drejtimin e ri të kompanisë së saj, Thinking Machines Lab.

Murati prezantoi një ide të quajtur “interaction models” (modele ndërveprimi).

Ndryshe nga chatbotët tradicionalë që funksionojnë me pyetje dhe përgjigje, këto modele synojnë të kuptojnë rrjedhën natyrale të komunikimit njerëzor – zërin, tekstin dhe videon në kohë reale, duke reaguar pothuajse si një bisedë e zakonshme njerëzore.