Qeveria tashmë po punon për ndryshime në rregulloren për importin e qumështit pluhur dhe vajit të palmës, dhe paralelisht po përgatiten masa për të zvogëluar rezervat në fabrikat e qumështit dhe për të mbështetur prodhuesit vendas të qumështit, deklaroi sot kryeministri Hristijan Mickoski, duke iu përgjigjur pyetjes së një gazetari nëse Qeveria po planifikon ndihmë për sektorin.
Sipas Mickoskit, problemet aktuale në industrinë e qumështit janë rezultat i ndryshimeve të mëparshme të rregullores që lehtësuan kushtet e importit.
“Por fillimisht duhet të gjejmë fajtorin, domethënë të diagnostikojmë problemin. Ndërsa problemi u krijua disa vite më parë nga qeveria e mëparshme, me ndryshimet në rregullore, të cilat ulën kriteret për importin e qumështit pluhur dhe vajit të palmës. Ky është thelbi. Nga këtu vjen ajo që po ndodh sot”, tha kryeministri.
Ai theksoi se aktualisht fabrikat e qumështit kanë rezerva të konsiderueshme, gjë që ndikon drejtpërdrejt në blerjen e qumështit të papërpunuar nga fermerët dhe në çmimet e blerjes.
