Zëvendëskryeministri i parë i Maqedonisë së Veriut, Izet Mexhiti u ka shpallur “luftë” të gjitha kazinove online. Siç bëhet e ditur të martën në seancën e Qeverisë do të jetë në “shënjestër” edhe “Megawin”, përcjell TV21.
Zëvendëskryeministri Mexhiti dje deklaroi se “Megawin” është 100% shtetërore dhe për mbylljen e të njëjtës ka procedur tjetër, transmeton TV21. Por shtoi se në seancën e ardhshme të Qeverisë të martën, do të mbyllet dhe do të jetë jashtë funksionit në Maqedoninë e Veriut.
“Megawin është 100% shtetërore, që organizon online, ka procedurë tjetër, në mbledhjen e ardhshme, të martën, do të mbyllet edhe ajo dhe 100% online kazinotë të jenë jashtë funksionit në RMV”, deklaroi Mexhiti.
“Në seancën e Qeverisë është sjellur vendimi për realizimin e interpretimit nga Kuvendi për ndërprerjen e vlefshmërisë së licencave jolegale për onlajn kazino që janë dhënë nga Qeveria e BDI-së, e me këtë edhe ndalimin e onlajn bixhozit në shtet. I ndaluam lejet e dëmshme që qeveria e kaluar e BDI-së dhe LSDM-së ua ndau kompanive serbe, malazeze dhe kompanive të tjera. E ndaluam mundësinë që fëmijët tanë të luajnë bixhoz në telefonat e tyre, në kompjuterët e tyre nga shtëpia dhe nga shkolla”, deklaroi Izet Mexhiti dy ditë me parë pas seances së Qeverisë./TV21/
