Nga 1 janari 2024 mendoj se do të kemi një Qendër Klinike që do të funksionojë siç duhet me qëllim që pacientet të marrin shërbim më të mirë shëndetësor, si dhe punonjësit shëndetësor të funksionojnë me lehtë, këtë e tha sot ministri i Shëndetësisë Fatmir Mexhiti në konferencën e sotme për shtyp.
Ministri Mexhiti thotë se nga 1 janari i vitit 2024, Qendra Klinike do të punojnë me një drejtor të Përgjithshëm.
“Tashmë kam gjithçka të përgatitur. Gati është informacioni deri te Qeveria. Që nga dita e parë punoj intesivisht për këtë problem dhe ky problem është telashi më i madh që dua ta zgjedh si kabinet dhe si ministri dhe njëherë e përgjithmonë të vendosen punët ashtu siç duhet në Qendrën Klinike dhe të funksionojë shumë më lehtë, në mënyrë më adekuatë dhe të jetë më efikase”, u shpreh Fatmir Mexhiti, ministër I Shëndetësisë.
