LSDM-ja këmbëngul se nga e marta do të ketë rritje të re të çmimit të derivateve të naftës. Sipas opozitës maqedonase situata është e rëndë, inflacioni vazhdon t’i gëlltisë të ardhurat reale. LSDM thotë se shporta e konsumit vazhdon të rritet, ndërsa paga minimale nuk lëviz, ndërsa as pensionet nuk ndjekin trendin e rritjes së çmimeve. Opozita akuzon se për dy vjet pushteti e ka futur shtetin në borxh prej rreth 2,5 miliardë euro, ndërsa investimet e huaja janë ulur për mbi 60 për qind. LSDM thotë se faturën e dështimit e paguajnë qytetarët, ndërsa ata që janë shkaktarët e situatës i shmangen përgjegjësisë.
