Qendërmbrojtësi Muhamed Useini nuk do të jetë më futbollist i skuadrës së Llapit.
Kështu ka njoftuar skuadra llapjane të shtunën gjatë ditës në faqen zyrtare.
Llapi ka shkruar se largimi i tij është bërë i mundur me marrëveshje të dyanshme.
Ai largohet nga Llapi pas një viti e gjysmë.
“Gjatë kësaj periudhe, Useini u dëshmua si sportist i jashtëzakonshëm, duke dhënë kontribut të çmuar për klubin, si brenda ashtu edhe jashtë fushës. Ai u veçua për sjelljen korrekte, përkushtimin maksimal dhe profesionalizmin e lartë, duke qenë gjithmonë në shërbim të ekipit dhe objektivave të ekipit”, ka shkruar Llapi.
Nga Llapi në këtë afat kalimtar dimëror janë larguar edhe disa futbollistë të tjerë.
