Sot përfaqësuesit e inciativës “LIRIA KA EMËR” kanë vizituar fshatin Buroj vendëlindjen e ish presidentit dhe komandantit të UÇK-së, Hashim Thaçi.
Sot, në Burojë, te pragu i një nëne që ka dhënë shumë për këtë vend, ndjemë peshën e historisë dhe forcën e heshtur të qëndresës.
Nëna Hyrë, nëna e Presidentit Thaçi, qëndron si simbol i sakrificës, dinjitetit dhe besimit se drejtësia do të triumfojë. Dhe ne besojmë njësoj: Presidenti do të kthehet në shtëpi. Do të kthehet aty ku e pret familja, populli dhe Kosova.
Sepse liria jonë nuk është rastësi. Është sakrificë. Është betim. Është histori që nuk zhbëhet.
Më 17 shkurt, marshojmë jo vetëm me hapa, por me zemër.
Për drejtësi. Për dinjitet. Për kthimin e çlirimtarëve në shtëpi. 
