Manchester City ka nisur të mendojë për jetën pas Rodrit dhe emri i parë në listën e dëshirave të klubit anglez është Enzo Fernández.
Sipas gazetarit të njohur të merkatos, Gianluca Di Marzio, mesfushori argjentinas i Chelseat është objektivi i madh i “Qytetarëve” për të mbushur boshllëkun që do të krijohej nga largimi i Rodrit.
Enzo Fernández shihet si një profil që përshtatet me filozofinë e Manchester Cityt, ndërsa interesimi për të lidhet edhe me njohjen e mirë që trajneri Enzo Maresca ka me lojtarin.
Maresca dhe Fernández kanë punuar së bashku te Chelsea dhe mes tyre ekziston një marrëdhënie e mirë profesionale. Trajneri italian vlerëson shumë cilësitë e mesfushorit argjentinas dhe e konsideron atë një përforcim ideal për projektin e tij.
Megjithatë, realizimi i transferimit nuk pritet të jetë i thjeshtë. Chelsea e konsideron Enzo Fernández një nga lojtarët kryesorë të skuadrës dhe një marrëveshje mes dy klubeve angleze do të kërkonte negociata të vështira.
Nëse largimi i Rodrit do të bëhet realitet, Manchester City pritet të investojë fuqishëm për të gjetur një lider të ri në mesfushë, ndërsa Enzo Fernández është tashmë një nga emrat më të përfolur për këtë rol.
