Kandidati i Lëvizjes Vetëvendosje për kryeministër, Albin Kurti, ka publikuar emrat e kandidatëve të Vetëvendosjes për deputetë, teksa ka theksuar se ai mbetet bartës i listës.
Kurti ka pohuar se lista e tij do të jetë fituese, dhe ka numrin 127.
Më poshtë lista e publikuar nga kandidati i LVV-së për kryeministër, Albin Kurti:
1. Albin Kurti – bartës liste.
2. Vjosa Osmani – ligjëruese në fushën e drejtësisë, ushtruese e detyrës së Presidentes dhe Presidente e ardhshme e Republikës së Kosovës.
3. Glauk Konjufca – aktivist i Lëvizjes, studiues i filozofisë, ish-Ministër i Punëve të Jashtme e Diasporë, deputet i Republikës.
4. Vasfije Krasniqi – aktiviste dhe zëri i drejtësisë së munguar të të gjitha viktimave të luftës së fundit në Kosovë.
5. Avni Dehari – veprimtar i kamotshme i çështjes kombëtare, ish i përndjekur politik, shkrimtar, publicist.
6. Albulena Haxhiu – aktivistja e pandalshme e Lëvizjes tonë, juriste, e ish-Ministre e Drejtësisë.
7. Arben Vitia – aktivist i Lëvizjes, mjek i përgjithshëm, Kryetar i Qendrës tonë në Prishtinë, e ish-Ministër i Shëndetësisë.
8. Donika Gërvalla – veprimtare e shquar në mërgatë, Kosovë e Shqipëri. Vajza e heroit Jusuf Gërvallës.
“Këshili i Përgjithshëm i LVV-së më nominoi si kandidatin për kryeministër të Republikës së Kosovës nga Lëvizja Vetëvendosje, është nder dhe përgjegjësi ta përmbush këtë vullnet të shprehur në mënyrë demokratike. Bartës i listës jam unë.”, thotë Kurti në video-prezentimin e kandidatëve.
Kujtojmë se ditë më parë PZAP-ja nuk e ka certifikuar Kurtin, ndërsa Gjykata Supreme e Kosovës, si shkalla e fundit e ankesave të partive politike për këto zgjedhje, e vërtetoi se çdo kush që është i dënuar në tri vitet e fundit me një vendim gjykate të shkallës së prerë nuk do të mund të konkurojë në këto zgjedhje.
Top Channel/ TOP24