E ardhmja e mbrojtësit francez Ibrahima Konaté te Liverpool FC mbetet ende e pasigurt, pasi bisedimet për rinovimin e kontratës nuk kanë sjellë ende një marrëveshje përfundimtare.
Sipas raportimeve të Ben Jacobs, pavarësisht se më herët Konaté kishte lënë të kuptohej se një marrëveshje ishte pranë finalizimit, ende nuk është arritur një përparim i plotë mes palëve.
Liverpool po tregohet i kujdesshëm në negociata, por në kampin e klubit mbetet optimizëm se një marrëveshje mund të arrihet në një kohë të shkurtër.
Situata pritet të ndiqet nga afër në ditët në vijim, pasi Konaté konsiderohet një pjesë e rëndësishme e projektit të skuadrës angleze në mbrojtje.
