Komisioneri i Lartë i OKB-së për të Drejtat e Njeriut, Volker Türk bëri thirrje për zgjatjen e armëpushimit në Rripin e Gazës për shkak të të drejtave të njeriut dhe arsyeve humanitare, transmeton Anadolu.
Türk foli në hapjen e Konferencës së Nivelit të Lartë të të Drejtave të Njeriut të Parlamentit Evropian.
Duke kujtuar se konfliktit iu dha një “pauzë humanitare” si rezultat i marrëveshjes së arritur midis Izraelit dhe Hamasit, Türk theksoi se kjo situatë u dha pak lehtësi civilëve dhe se disa familje u ribashkuan me të afërmit e tyre pas një kohe të gjatë.
“Qasja në ndihma humanitare duhet të sigurohet në të gjithë Gazën dhe kjo duhet të jetë e qëndrueshme. U bëj thirrje të gjithëve me ndikim (në Gaza) të zgjasin armëpushimin për të drejtat e njeriut dhe arsye humanitare”, thekson ai.
Konferenca filloi me vonesë pasi një grup demonstruesish brohoritën me slogane “Armëpushim në Gaza” dhe “Ndalo gjenocidin”.
