Keni fituar betejën me Covid-19, ka një lajm të mirë për mushkëritë

24 Dhjetor, 2020

1 minute read

Covid-19 prek mushkëritë dhe dëmton alveolët (thasët e vegjël të ajrit) dhe indet përreth duke shkaktuar pneumoni. Ndërsa ndërpritet transferimi i oksigjenit, individët e infektuar fillojnë të përjetojnë simptoma si kollitja dhe gulçimi. Ka pasur një debat midis mjekëve nëse mushkëritë e një pacienti në gjendje të rëndë me Covid-19 mund të rimarrin plotësisht forcën e tyre pas shërimit nga sëmundja. Një studim nga Universiteti Radboud në Hollandë ka sjellë një shpresë pozitive për ata që kanë mbijetuar nga Covid-19 i rëndë. Studiuesit zbuluan se indi i mushkërive të pacientëve që vuanin nga Covid-19 shërohet brenda tre muajve në shumicën e rasteve.

Mushkëritë e dëmtuara shërohen me kalimin e kohës

Studimi përfshiu 124 pacientë. Pas 3 muajsh, pacientët u ekzaminuan duke përdorur skanimin e CT, një test funksional të mushkërive dhe më shumë. Ata gjetën se indet e mushkërive të pacientëve po shëroheshin shumë shpejt. “Është inkurajuese të shohësh që mushkëritë pas Covid-19 shfaqin këtë nivel të rimëkëmbjes”, ka thënë autori i studimit Bram van den Borst. Lajmi i mirë është se ekipi hulumtues nuk gjeti asnjë anomali në mushkëritë e këtyre pacientëve. Ankesat më të zakonshme e pacientëve pas tre muajsh ishin lodhja, gulçimi dhe dhimbjet e gjoksit.

Pacientët shërohen më shpejt nëse i nënshtrohen rehabilitimit

Në fillim të Shtatorit, një studim i prezantuar në Kongresin Ndërkombëtar të Shoqatës së Frymëmarrjes Evropiane 2020 raportoi se pacientët me Covid-19 mund të pësojnë dëmtime afatgjata të mushkërive dhe zemrës, por për shumicën prej tyre kjo gjendje është përmirësuar me kalimin e kohës.

Studiuesit kanë vizituar pacientët që ishin trajtuar brenda spitalit dhe ishin rikuperuar nga infeksioni. Skanimet me CT të kryera 6 javë pas daljes nga spitali treguan dëmtime të mushkërive në rreth 88% të këtyre pacientëve. Në 12 javë, dëmtimi i mushkërive ishte ul në 56%. Ky përmirësim sugjeron që mushkëritë kanë një mekanizëm për riparimin e tyre.

Studiuesit u shprehën që sa më shpejt pacientët me Covid-19 të fillojnë një program rehabilitimi pulmonar pasi të dilnin nga ventilatorët, aq më mirë dhe më shpejt shërimi i tyre.