Këmbësorëve u shuhet jeta në vizë bardha, policia në aksion – shqipton gjoba

Brenda një jave tre këmbësorë humbën jetën nga goditja e veturave në vizëbardha, policia pas këtyre rasteve ka ndërmarrë aktivitete për rritjen e sigurisë së këmbësorëve në tërë vendin.

Si rrjedhojë, brenda 24 orëve të fundit janë shqiptuar 173 shoferë, të cilët nuk u kanë mundësuar këmbësorëve që të kalojnë në vizëbardha.

“Janë sanksionuar 173 shoferë, prej të cilëve 104 në territorin e Shkupit, 26 në SPB Tetovë, 16 në SPB Veles… Gjatë aksionit të kontrollit janë sanksionuar edhe 134 lloje të tjera të kundërvajtjeve në komunikacion”, deklaroi mes tjerash Toni Angellovski, zëdhënës i MPB-së.