Bota

Kanadaja shënon zero viktima të Coronavirusit për 24 orë, për herë të parë nga marsi

Për herë të parë që nga muaji mars, në Kanada nuk është raportuar asnjë viktimë e koronavirusit për periudhën 24-orëshe, sipas të dhënave të Agjencisë së Shëndetit Publik, të cilat u publikuan në orët e vona të së premtes.

Në bazë të të dhënave qeveritare, numri i përgjithshëm i viktimave të koronavirusit në këtë shtet mbeti 9,163, aq sa ishte një ditë më parë, shkruan Reuters.

Megjithatë, gjatë kësaj periudhe u regjistruan 702 raste të reja të personave të infektuar dhe numri i përgjithshëm i të prekurve nga virusi i ri shkoi në 135,626.

Pas lehtësimit të masave kufizuese dhe rihapjes së shkollave, numri i rasteve të reja të virusit në Kanada ka shënuar rritje të lehtë ditëve të fundit. Rajoni i Kolumbisë Britanike i ka vendosur disa masa të reja për ta parandaluar rritjen e përhapjes së koronavirusit.

Megjithatë, situata e pandemisë në Kanada është shumë më e mirë, nëse krahasohet me shifrat në Shtetet e Bashkuara, ku deri më tani kanë vdekur më shumë se 190 mijë persona nga virusi i ri, ndërsa 6.4 milionë janë infektuar.

Rasti i parë i koronavirusit në Kanada është regjistruar më 25 janar në Toronto. Vatra të mëdha të përhapjes më pas ishin bërë provinca me popullsinë më të madhe, Ontario, dhe province fqinje, Kuebeku.

Related Articles

Back to top button
Close
Close