Juventusi fiton për herë të 15-të në histori Kupën e Italisë. “Zonja e Vjetër”, falë përvojës sa saj, mposhti 1-0 Atalantën në finalen e zhvilluar në “Olimpico”, duke e mbyllur sezonin me trofe.
Goli i sulmuesit Vlahovic që në minutën e katërt, vendosi këtë përballje të cilën Atalanta nuk mundi ta luante siç e kishte planifikuar, pasi bardhezinjtë, menjëherë pas shënimit të golit, u rreshtuan me disiplinë në mbrojtje, për të mos lejuar prekjen e rrjetës.
Nuk ndryshoi asgjë sa i përket rezultatit gjatë pjesës së dytë, edhe pse zikaltrit e Bergamos goditën shtyllën.
I pafat Vlahovic, të cilit për çështje centimetrash sistemi VAR i anuloi golin e dytë, por edhe Miretti, që u ndal nga traversa.
Triumfi në Kupën e Italisë mund të ndryshojë skenarët për të ardhmen e Allegrit, i kritikuar shpesh për sezonin e dobët të bardhezinjve në Serinë A.
Keqardhje në radhët e Atalantës për këtë humbje, por skuadra e Gasperinit ka një shans të artë për ta mbyllur sezonin me trofe, pasi do të luajë në finalen e Europa League-s përballë Bayer Levekusenit.
Atalanta – Juventus 0-1
79′ – Lookman provon nga jashtë zonës, godet shtyllën.
72′ – Vlahovic e dërgon për herë të dytë topin në rrjetë, por goli anulohet nga VAR-i për pozicion jashtë loje.
4′ – Zhbllokohet shpejt finalja, Vlahovic i shpëton mbulimit të mbrojtjes dhe nuk gabon përballë portierit, 0-1
1′ – Nis finalja e Kupës së Italisë, spektakël ngjyrash në “Olimpico”.
Formacionet:
