Kandidati për president Stevço Jakimovski e ka shfrytëzuar të drejtën e votës, e më pas për media ka thënë se dëmi më i madh po i bëhet vendit nëse nuk del për të votuar.
“Apel qytetarëve: Dilni dhe votoni”. Dëmi më i madh i bëhet Republikës së Maqedonisë nëse nuk dilni të votoni dhe kërkesa e dytë është të dilni dhe të votoni “pro” e jo “kundër”. Sa herë votojmë kundër dikujt, gabojmë dhe ato gabime janë sërish në dëm të vendit. Prandaj të nderuar qytetarë, dilni dhe votoni atë që mendoni se do të jetë presidenti më i mirë, kryekomandant më i mirë i Forcave të Armatosura të Republikës së Maqedonisë”, tha Jakimovski.
