Irani pretendon se ka shënjestruar një bazë të përdorur nga ushtria amerikane në Jordani, në kuadër të përshkallëzimit të tensioneve në rajon.
Megjithatë, Forcat e Armatosura të Jordanisë njoftuan se sistemet e tyre të mbrojtjes ajrore kanë interceptuar dhe shkatërruar tre raketa balistike iraniane, të cilat hynë në hapësirën ajrore të mbretërisë hashemite.
Sipas autoriteteve jordaneze, raketat u rrëzuan përpara se të arrinin objektivat e tyre dhe deri më tani nuk është raportuar për viktima apo dëme materiale.
Deklarata e Amanit erdhi menjëherë pasi Teherani njoftoi se kishte ndërmarrë një sulm ndaj një baze të përdorur nga ushtria amerikane në Jordani, ndërsa tensionet mes Iranit dhe Shteteve të Bashkuara vazhdojnë të përshkallëzohen.
