Ngushtica e Hormuzit do të vijojë të jetë e mbyllur për transportin detar për sa kohë Shtetet e Bashkuara nuk ndryshojnë qëndrimin e tyre dhe nuk pranojnë kushtet e Iranit për përfundimin e luftës. Deklarata është bërë të martën nga Mohsen Rezaei, sekretari i sapoemëruar i Këshillit Suprem të Sigurisë Kombëtare të Iranit.
Deklarata e tij është sinjali më i qartë deri tani se çdo marrëveshje e mundshme mes Iranit dhe Omanit lidhur me kalimin përmes kësaj rruge strategjike ujore nuk do të nënkuptojë domosdoshmërisht rihapjen e menjëhershme të Ngushticës për transportin ndërkombëtar.
“Amerika duhet t’i japë fund luftës, të paguajë asetet e ngrira të Iranit dhe lufta duhet të përfundojë në të gjithë rajonin, përfshirë Libanin dhe Gazën”, tha ai.
Ai theksoi gjithashtu se një marrëveshje mes Iranit dhe Omanit për një rrugë tranziti përmes Ngushticës së Hormuzit do të ishte e ndarë nga vendimi për mbajtjen e saj të mbyllur.
