Ambasadori i Shteteve të Bashkuara të Amerikës në Kosovë, Jeff Hovenier, në një intervistë të parë televizive pas marrjes së mandatit ndër të tjera ka folur edhe për zgjedhje presidenciale që po planifikohet të mbahen në prill në Serbi dhe ato të shtrihen edhe në veri të Kosovës, shkruan Gazeta Metro.
Hovenier në pyetjen se cili është qëndrimi i SHBA’së për paralajmërimin e zyrtarëve serbë që zgjedhjet do të mbahen edhe në Kosovë ka thënë se do të punojnë me qeverinë e Kosovës që të gjejnë një zgjidhje të përbashkët.
‘’Do të punojmë me qeverinë e Kosovës që të gjejmë zgjidhje përbashkët por që gjithashtu mundëson individët që të votojnë nëse e kanë atë të drejtë.’’, ka thënë ai në RTK.
