Lideri i “Reform UK”, Nigel Farage, ka kërkuar zhvillimin e zgjedhjeve të përgjithshme në Britani, duke kundërshtuar mundësinë që Andy Burnham të marrë drejtimin e qeverisë pa kaluar përmes votës së qytetarëve.
Farage deklaroi se një kryeministër duhet të ketë një mandat të drejtpërdrejtë nga publiku dhe se Burnham nuk do ta kishte një të tillë nëse do të zgjidhej përmes një procesi të brendshëm të Partisë Laburiste.
“Publiku britanik është lodhur nga loja e ndryshimeve në numrin 10 dhe meriton të ketë zgjedhje të përgjithshme”, tha Farage, duke iu referuar ndryshimeve të shpeshta të liderëve në qeverinë britanike gjatë viteve të fundit.
Sipas liderit të Reform UK, Burnham nuk ka qenë kandidat në zgjedhjet e përgjithshme të vitit 2024 dhe për këtë arsye nuk është i lidhur drejtpërdrejt me programin elektoral mbi të cilin Laburistët morën pushtetin.
Deklaratat vijnë ndërsa brenda Partisë Laburiste vijon debati për mënyrën e zgjedhjes së liderit të ri, me Andy Burnham që shihet si një nga emrat kryesorë për të zëvendësuar Keir Starmer.
