Erkan Arifi ka njoftuar se do të vazhdojë vendosja e ujit në fshatin Mateç, njofton Top24.
“Njoftim Publik
Sot u mbajt debati dhe sqarimi publik me banorët e fshatit Mateç në lidhje me projektin e ujësjellësit. Pas diskutimit të hapur dhe konstruktiv, u arrit një marrëveshje unanime që të vazhdohet me realizimin e vendosjes së ujit të pastër për pije nga Ndërmarrja Komunale Publike “Penda” ,Likovë.
Si hap i radhës, njoftojmë të gjithë kryefamiljarët e fshatit se duke filluar nga nesër, përfaqësuesit e familjeve duhet të paraqiten pranë ndërmarrjes për të bërë aplikimin për lidhjen me rrjetin e ujësjellësit. Qëllimi ynë është që, brenda mundësive, furnizimi me ujë të fillojë sa më shpejt nëpër shtëpitë e banorëve të fshatit Mateç.
I falënderojmë sinqerisht të gjithë banorët për mbështetjen dhe mirëkuptimin e treguar gjatë këtij procesi të rëndësishëm për komunitetin tonë. Urojmë që ujin ta shijoni për të mira dhe në shëndet të plotë.
Faleminderit për bashkëpunimin!”, tha Arifi.
