E frikshme balena godet dhe ‘fluturon’ varkën me turistë në Meksikë (VIDEO)

Një aksident i tmerrshëm ka ndodhur në Meksikë, teksa një varkë e vogël që transportonte turistë është goditur nga një balenë, duke bërë që ajo të ngrihet në ajër. Në videon e publikuar nga autoritetet në Meksikë tregon momentin e përplasjes së fortë. Tre pasagjerë kanë mbetur të plagosur lehtë, ndërsa dy të tjerë janë dërguar në spital.

Zëdhënësi i mbrojtjes civile Benjamin Garcia, tha se pilotët e varkës mund të mos e dinin se balena ishte nën ujë në atë pikë, ndaj ndodhi dhe aksidenti i papritur. “Balena doli në sipërfaqen e ujit dhe e ngriti varkën në ajër”, tha Garcia.