Selin u përball me një situatë të papritur, nga mamaja e saj, e cila i kërkoi të largohet nga gara.
Banorja u rikthye në shtëpinë e “Big Brother VIP”, aty ku dha edhe përgjigjen e saj për të vijuar garën, finalja e së cilës është më 18 prill.
“Ndihem shumë e ngarkuar, fjalët e mamit për mua janë shumëgjë. E vetmja gjë që më ngrohu ishte që nuk ishin mërzitur me mua. Me qëndrimin tim këtu brenda, ato persona që kanë bërë ato deklarime gjatë 48 orëve të fundit do të mbajnë përgjegjësi”, tha Selin.
Më parë banorja u shpreh ashpër për Mirin dhe Rogertin në dhomën e rrëfimit.
“Dy burra janë munduar të ulin imazhin e një vajze, që në fund fare është vetëm një vajzë. Dy shfrytëzues të degjeneruar, që kam një mllef aq të madh tani.
Dy njerëz të atij niveli, burra të atij niveli të fitojnë në krahët e një vajze nuk do ta lejoja kurrë. Ata të dy, Rogerti dhe Miri do mbajnë përgjegjësi për fjalët që kanë thënë”, tha banorja në lot.
