Bashkimi Demokratik për Integrim sot ka publikuar listat e kandidatëve për kryetar dege në komunën e Bogovinës, shkruan Top24.
Kandidati për kryetar dege Besnik Emshiu i cili është edhe kryetar komune përmes një postimi në profilin e tij në FB shkruan:
“Tani koha është që sovrani të flet përmes votës së lirë… Ne ju ofruam program e ju na besuat Komunën. Tani ne flasim për ngritje politike, përfaqësim të denjë, zë më i fuqishëm, degë më e fortë, kuadro meritore qasje të ndershme përgjegjësi politike dhe morale para çdo qytetari si dhe para çdo integristi. Thellësisht kam qenë i bindur që Bashkimi Demokratik për Integrim është vlerë dhe aset kombëtar i çmuar. Jam dhe mbetem i bindur që kjo garë,kjo demokraci e brendshme do t’na bëj më të fortë dhe më të bashkuar se kurrë më parë për fitoret e radhës.” shkruan Besnik Emshiu përcjellë Top24.
