Besarta Jashari në 23 vjetorin e sulmit nga forcat serbe: Ende i kam të freskëta kujtimet

22 Janar, 2021

Less than a minute

Besarta Jashari, e bija e heroit legjendar të UÇK-së, Hamëz Jashari në 23 vjetorin e sulmit të dytë nga forcat serbe ndaj familjes Jashari është shprehur se ende i ka të freskëta kujtimet nga ajo ditë.

Besarta Jashari në një postim në rrjetin social Facebook shkruan “Ende i kam të freskëta kujtimet nga ajo ditë ku baba Shaban, babushi Hamëza dhe djemtë̈ e familjes luftonin pa u ndalur deri sa arritën të zmbrapsin agresorin serb”.

Lexoni të plotë postimin:

“Duke vendosur lule, në vendin ku pushon e qetë bashkë me anëtarët tjerë̈ të familjes, motra ime Selvetja, e plagosur në sulmin e dytë, me 22 Janar, pastaj e rënë për të mos vdekur kurrë me 7 mars 1998.

Sot, bashkë me vëllaun Bekimin, Hamëzen e ri bëmë homazhe tek më të dashurit tonë, në 23 vjetorin e betejes së familjes sime kundër pushtuesit serb.

Ende i kam të freskëta kujtimet nga ajo ditë ku baba Shaban, babushi Hamëza dhe djemtë̈ e familjes luftonin pa u ndalur deri sa arritën të zbrapsin agresorin serb.

Nga ajo betejë mbeten të plagosura motra ime Selvetja dhe vajza e axhës Iliriana, që edhe sot i mban në trup plagët e lirisë.

Sot, 23 vite pas, e lumtur që pranë meje kam njëriun që më jep forcë dhe motiv për jetë, vëllaun Bekimin me të cilin edhe sot falënderojmë të gjithë kombin tonë për kujtimin dhe nderimin e kësaj beteje dhe në përgjithësi për respektin e treguar ndaj familjes sonë”. /Telegrafi/