Në Strugë është hapur sot Akademia Politike dyditore për politikanët e rinj të Çairit, ku ligjërojnë profesorë nga vendi dhe jashtë tij, informon PressOnline.al. Kjo iniciativë synon të forcojë aftësitë dhe vizionin e gjeneratës së re politike.
Duke folur për këtë aktivitet, kandidati i BDI-së për kryetar të Komunës së Çairit, Bujar Osmani, përmes faqes së tij në rrjetin social Facebook u shpreh se nga kjo akademi po formohet gjenerata që do ta bëjë Çairin shembull të vizionit të ri.
