LajmeRajonTopLajm

Barrikadat ne veri, reagon Kurti: Koha e KFOR-it po mbaron!

Kosova i ka dhënë kohë misionit të NATO-s në Kosovë, KFOR, që të veprojë për heqjen e barrikadave të veri të Kosovës të vendosura nga serbët lokalë.

Por, kryeministri Albin Kurti shprehu pakënaqësinë duke thënë se koha e KFOR po mbaron dhe misioni nuk po vepron.

“Vendosja e barrikadave në rrugë është veprim i paligjshëm, i papranueshëm dhe nuk do të tolerohet. Në përputhje me vlerësimet e sigurisë ne i kemi dhënë kohën dhe hapësirën e nevojshme KFOR-it për të vepruar, por sigurisht kjo kohë po shteron me shpejtësi. Ne kemi bashkëpunim dhe bashkërendim me KFOR-in, prandaj edhe kjo dhe hapësira e nevojshme i është dhënë KFOR-it. Por një gjë duhet të kuptohet se nuk mund të qëndrojë edhe parimi i lëvizjes së lirë dhe barrikadat në rrugë që e pengojnë lëvizjen e lirë“, tha Kurti.

Për barrikadat, Kosova ka fajësuar “bandat kriminale” që kanë mbështetjen e Serbisë, ndërkaq Beogradi ka thënë se barrikadat do të hiqen kur Prishtina të formojë Asociacionin e komunave me shumicë serbe.

Related Articles

Back to top button
Close
Close