Ambasadori i Republikës së Shqipërisë në Shkup, shkëlqesia e tij Denion Meidani gjatë ditës së djeshme ka vizituar Tetovën ku ka nderuar grupin e grave “Teuta” me të cilët bisedoi për misionin e tyre për sfidat, por edhe për energjinë pozitive që sjell angazhimi qytetar; një shembull frymëzues se si përkushtimi, kultura dhe humanizmi ecin dorë për dore, shkruan Top24
Takim i veçantë me përfaqësueset e Grupit të Grave “Teuta” në Tetovë 
U prita me shumë ngrohtësi e këngë shqiptare nga gra të jashtëzakonshme, që prej vitesh japin kontribut të çmuar në fuqizimin e gruas shqiptare, ruajtjen e identitetit kulturor dhe ndërtimin e solidaritetit në komunitet.
“Teuta” spikat edhe me aktivitete të pasura kulturore dhe artistike, që i japin zë krijimtarisë, trashëgimisë dhe shpirtit qytetar.
Biseduam për misionin e tyre, për sfidat, por edhe për energjinë pozitive që sjell angazhimi qytetar; një shembull frymëzues se si përkushtimi, kultura dhe humanizmi ecin dorë për dore.
Respekt i veçantë për punën shumëvjeçare dhe për rolin e tyre në forcimin e shoqërisë civile. Takime të tilla të japin shpresë dhe të kujtojnë se ndryshimi nis gjithmonë nga njerëzit.
