Më gëzoi jashtëzakonisht lajmi që bartësi i listës së “Koalicionit të Shqiptarëve” në Luginën e Preshevës, z. Shaip Kamberi ka fituar mandatin e dytë si deputet në Parlamentin e Serbisë ka deklaruar lideri i BDI -së Ali Ahmeti.
Ai u shpreh se jam i bindur se z. Kamberi me përvojën dhe guximin që ka, do të vazhdojë të jetë zë i fuqishëm në kauzën për mbrojtjen dhe avancimin e të drejtave të shqiptarëve në Serbi, për rëndësinë e së cilës diskutuam edhe në takimin që kishim bashkë në muajin Mars.
Ahmeti deputetit Kamberi i ka uruar shëndet dhe mbarësi në misionin e përfaqësimit dinjitoz politik të shqiptarëve në Serbi duke e siguruar se në këtë rrugëtim nuk është vetë, por do të ketë gjithmonë përkrahjen e të gjithë neve.
