Sistemi i tuneleve nëntokësore në Gaza ka qenë në shënjestër të forcave të armatosura izraelite gjatë 24 orëve të fundit, duke e konsideruar atë një goditje të madhe në rrjetin e korridorit palestinez.
Deri më tani, ushtria izraelite pretendon se ka shkatërruar me zjarr artilerie dhe nga ajri, më shumë se 100 kilometra, rrjetin e tuneleve të quajtur nga palestinezët “metro” dhe është i vlefshëm për ta për lëvizjen e municioneve dhe njerëzve.
Sulmet, sipas ushtrisë izraelite, do të ndihmojnë në uljen e konsiderueshme të aftësive operacionale të Hamasit. Një video e ushtrisë izraelite tregon në detaje goditjet që i ka dhënë tunelit ditët e fundit.
“Organizata terroriste Hamas ka investuar shumicën e financave dhe përpjekjeve të saj gjatë dekadës së fundit në gërmimin e një sistemi kompleks të tuneleve nëntokësore në të gjithë Rripin e Gazës,” thuhej në video. g.v/abcnews.al
