Interi po kalon një fillim të jashtëzakonshëm të sezonit, duke regjistruar shifra që nuk i arrinte prej më shumë se tri dekadash. Fitorja 2-0 në transfertë ndaj Venezias e çoi skuadrën zikaltër në kuotën e 25 pikëve, pas nëntë ndeshjeve të para në kampionat.
Ekipi ka regjistruar tetë fitore dhe vetëm një barazim, duke konfirmuar ambiciet për të luftuar për titullin kampion.
Me këtë bilanc, Interi kryeson renditjen së bashku me Lazion.
Duke marrë parasysh sistemin aktual të pikëzimit, ku fitorja vlen tri pikë, një start i tillë nuk ishte regjistruar nga zikaltrit që prej sezonit 1994-1995.
Por rekordi është i veçantë edhe nëse llogaritjet bëhen sipas sistemit të vjetër, kur fitorja vlerësohej me dy pikë. Edhe në këtë rast, Interi ka arritur një nga nisjet më të mira të historisë së tij.
Ecuri të ngjashme klubi kishte regjistruar në sezonet 1966-1967 dhe 1988-1989.
Në sezonin e parë, titullin e fitoi Juventusi, ndërsa në të dytin Interi triumfoi me një skuadër që hyri në histori për rezultatet e saj të jashtëzakonshme.
Shifrat e këtij sezoni tregojnë se skuadra zikaltër është rikthyer fuqishëm në garën për objektivat madhorë.
Tashmë, sfida për trajnerin dhe lojtarët është të ruajnë këtë ritëm edhe në javët e ardhshme, në një kampionat ku rivaliteti për kreun pritet të jetë i fortë.
