Ku është Prishtina? Pse nuk figuron në tabelë? Federata duhet të japë sqarime!

Jo vetëm Kastrioti i Ferizajt, por edhe Prishtina, në hendbollin e femrave, nuk figuron në tabelën e Federatës së Hendbollit të Kosovës.

A janë shuar Prishtina dhe Kastrioti? A janë tërhequr nga garat, apo çfarë po ndodh me këto dy klube me traditë të madhe?

Prishtina është një nga klubet më të mëdha dhe më me emër në hendbollin e Kosovës.

Një klub me histori, traditë dhe shumë suksese, ndërsa sot nuk figuron as në tabelë!

Edhe Kastrioti i Ferizajt është klub me traditë.

Është e pakuptueshme që dy klube me histori dhe tituj të shumtë të mos figurojnë në tabelën e garave pa pasur një sqarim të qartë për opinionin sportiv.

Çfarë po ndodh me Prishtinën dhe Kastriotin?

A janë regjistruar për këtë sezon? A janë tërhequr nga garat? Apo kemi të bëjmë me ndonjë problem administrativ apo gabim në publikimin e tabelës?

Federata e Hendbollit e Kosovës duhet të dalë me një sqarim zyrtar dhe t’i informojë tifozët dhe opinionin sportiv për gjendjen e këtyre dy klubeve.

Nuk mjafton që klubet të mungojnë në tabelë dhe të gjithë të mbeten në paqartësi.

Hendbolli i Kosovës meriton transparencë, përgjegjësi dhe respekt për historinë e klubeve të tij!