Paga mesatare neto mujore e paguar për punonjës, në qershor 2026, ishte 48.381 denarë. Në qershor 2026, krahasuar me qershorin 2025, paga mesatare mujore neto e paguar për punonjës ishte 6.4 për qind më e lartë. Kjo rritje i detyrohet, kryesisht, rritjes së pagës mesatare mujore neto të paguar për punonjës në sektorët: Aktivitete administrative dhe shërbimesh mbështetëse me 10.6 për qind, Bujqësi, pylltari dhe peshkim me 8.1% dhe Transport dhe magazinim me 8.0 për qind. Statistika më tej zbardh se në veprimtaritë e teknologjisë informatike pagat mesatare arrijnë në 88 mijë, në aktivitetet financiare dhe sigurimi 68 mijë, në xehetari- 60 mijë. Pagat më të ulëta me 34 mijë janë me 34 mijë në aktivitetet e akomodimit dhe shërbimi ushqimor, në bujqësi me 38 mijë, aktivitetet administrative dhe shërbimesh mbështetëse-37,700dhe me 43,400 denarë në Fabrika.
Megjithatë përkundër rritjes së pagës mesatare, akoma me mijëra punonjës pranojnë paga minimale prej 26 mijë denarë. Nga ekzekutivi thonë se janë të hapur për një formulë të re për pagën minimale. Qeveria dhe Ministria e Ekonomisë dhe Punës janë të hapura për dialog me partnerët socialë për ndryshimin e formulës për harmonizimin e pagës minimale, llogaritjen sipas pagës mesatare dhe për marrëveshjet e reja kolektive, por të gjitha vendimet duhet të merren bazuar në parametrat realë ekonomikë”, thekson Ministri i Ekonomisë dhe Punës Besar Durmishi.
Lidhur me çështjen e pagës minimale dhe njoftimet për presion sindikal përpara rregullimit të rregullt ligjor në mars 2020, i cili sipas formulës ekzistuese parashikon 50 për qind të kostos së jetesës dhe rritjen e pagës mesatare, Durmishi theksoi se nga një total prej 750 mijë të punësuarish në vend, pothuajse 30 mijë marrin pagën minimale.
“Nga të gjithë këta të punësuar, vetëm 30 mijë qytetarë marrin pagën minimale. Kur e shpreh në përqindje, është 4 ose 5 për qind. Por nga ata 30 mijë, e dimë që kemi shumë pronarë individualë, domethënë që kanë regjistruar kompanitë e tyre. Nuk është e mundur që unë, si pronar i një kompanie, ku jam shefi i vetëm, të kem të ardhura nga puna, të jap një pagë më të lartë se minimale, të paguaj më shumë kontribute. Dhe atë numër prej 30 mijë, nëse e ndajmë në dy pjesë, njëra vjen për këta pronarë individualë, rreth 2 për qind e qytetarëve tanë që kemi punësuar marrin pagën minimale. 98 për qind e tjerë nuk marrin pagën minimale. Le të jetë e qartë kjo, pjesa tjetër është e gjitha politikë”, theksoi Durmishi.
Ai njoftoi se çështja e shumës dhe metodës së llogaritjes së pagës minimale do të hapet së shpejti para partnerëve socialë në kuadër të Këshillit Ekonomik dhe Social.
“Do ta shohim, në një nga Këshillat Ekonomike dhe Sociale këtë vit kjo me siguri do të vihet në tryezë për diskutim. Le të biem dakord për marrëveshjen kolektive. Sepse ka institucione të caktuara në të cilat një drejtues sektori merr një pagë më të lartë se ministri ose një pagë më të lartë se dikush tjetër që punon shumë më tepër. Kur i shqyrtojmë këto kërkesa, ata i kundërshtojnë. Le të ulemi dhe të ndryshojmë formulën për llogaritjen e pagës minimale”, tha Durmishi, duke shtuar se gjatë marrjes së vendimeve duhet të merren parasysh të gjithë faktorët ekonomikë, siç janë inflacioni, fuqia blerëse, papunësia, ekonomia në hije, si dhe gjendja e industrisë përpunuese, prodhimit dhe sektorit privat.
Paga minimale aktuale prej 26.000 denarësh është e pamjaftueshme për një jetë dinjitoze, dhe në kushte të rritjes së çmimeve dhe rritjes së shportës së konsumit, ajo mbulon vetëm 31 për qind të shpenzimeve totale të një familjeje, theksoi Kryetari i LSDM-së, Venko Filipçe.”Në këtë situatë, krize, çmimesh të larta të karburanteve, praktikisht mbi 100 denarë për litër karburant, një rritje prej 50% e çmimeve të karburanteve që nga fillimi i këtij viti, e cila ka çuar në një spirale rritjeje të çmimeve për të gjitha produktet, kryesisht produktet ushqimore, gjë që ka rritur vlerën e shportës së konsumatorit, kjo pagë minimale është absolutisht e pamjaftueshme për një jetë të mirë, cilësore, dinjitoze, mbi të gjitha, do të thoja, për punëtorët – një numër të madh punëtorësh, mbi 70% të punëtorëve që jetojnë me të ardhura midis pagave minimale dhe mesatare në vend”, tha Filipçe.
Filipçe theksoi se një numër i madh i punëtorëve, mbi 70%, jetojnë me të ardhura midis pagave minimale dhe mesatare, ndërsa kostoja e jetesës është në rritje të vazhdueshme. Kryetari i LSDM-së tha se pikërisht për këtë arsye LSDM-ja po propozon për herë të tretë rritjen e pagës minimale në 600 euro, ose 36.960 denarë, gjë që do të sigurojë një jetë dinjitoze për punëtorët. Vlera e shportës minimale sindikale për gushtin e vitit 2026 është 68.675 denarë, njoftoi Lidhja e Sindikatave të Maqedonisë (KSM). Shpenzimet mujore për ushqim dhe pije arrijnë në 25.032 denarë, për arsim 7.192 denarë, për veshmbathje dhe këpucë 6.511 denarë, për qira, ujë, energji elektrike dhe ngrohje 6.370 denarë, për transport 5.175 denarë, restorante dhe hotele 4.131, për komunikim 3.677, për higjienë 2.692, përshëndetësi 1.196 denarë.
